المصرى افندينا

المصرى افندينا (http://elmasryafndena.com/vb/index.php)
-   دوار الوفاء فى افندينا (http://elmasryafndena.com/vb/forumdisplay.php?f=122)
-   -   عمنا....سيد حجاب (http://elmasryafndena.com/vb/showthread.php?t=13233)

الصابر أيوب 29-01-2017 01:43 PM

عمنا....سيد حجاب
 
في أوقات كثيرة أجد نفسي منجرفا الي تيار الإستماع الشعري بشغف وهو تيار معاكس تماما لتيار القراءة الشعرية............
كثيرا مافضلت قراءة الشعر حتي أعيش حالتي الخاصة به وحتي لايفرض ملقي النص حالته المزاجية علي ذهني فأجد نفسي متأثرا بشعره وبحالته النفسية عند الإلقاء
تيار الاستماع الشعري هذا يتوقف جريانه تماما عند طريقة اثنين من الشعراء لهم طريقة إلقاء مميزة وتجعلك تعشق هذا الفن من أونظرة
الأول أحمد فؤاد نجم
والثاني سيد حجاب
منذ سنوات جمعني أكثر من لقاء بالشاعر الكبير أحمد فؤاد نجم
وكنت أستمع له مبهورا بطريقة أداءه التمثيلية للنص الشعري
فصوته يحزن حين تكون الابيات حزينة ويعلو حين تكون الابيات قوية تشعر بدموع في صوته حينما تكون الابيات باكية

أما عن الشاعر الكبير سيد حجاب
فلقد استمعت له في عدة أمسيات
لكن الأمسية الاهم كانت بنقابة الصحفيين
ويومها ابدع هذا الرجل كما لم يبدع من قبل
واذكر ان دسست ورقة صغيرة وارسلتها حيث كان يجلس علي منصة الالقاء طالبا منه قصيدة الأراجوز

أقول لكم تعالوا اختم معاكم دردشتي بهذه القصيدة


أراجوز .. أراجوز .. إنما فنان

فنان .. أيوه .. إنما أراجوز

و يجوز يا زمان أنا كنت زمان

غاوي الأرجزة طياري .. يجوز

إنما لما الكيف بقى إدمان

باجي أبص لشيء واحد أرى .. جوز

أرى إيه؟ أرى إيه؟ أرى أرى أراجوز

***

فلسان .. كحيان .. أيوه أنا فلسان

إنما برضك .. راجل إنسان

بأضرب بالألف لسان و لسان

و باكلها بعرقي .. و مش إحسان

راجل و الرجولية لا عضلات

و لا ألابندة و سيما و حركات

الرجولية الحقيقية ثبات

قدام جبونية أي جبان

****

أراجوز أنا و أحمي أرى أرى إيه؟

أحمي قراريط الناس من مين؟

من الناس الأرى أرى إيه أرى إيه؟

من الناس القراميط الملاعين

ماهو أصل أنا مش من الأرى أرى إيه

مش من القراطيس

و لو الحال مال مقعدش أنا على

أرى إيه أرى إيه؟ .. قرافيصي و أطنش ع الأندال

لازم أشك الأندال مهموز

و أدوس ع اللي افترى و العنطوز

م أنا أرى إيه أرى إيه؟؟ أرى أرى أراجوز

****

أراجوز .. و شجيع .. و الدنيا ميدان

فارس .. حارس .. واقف ددبان

و إذا بان للشر نيبان و زبان

باحمي الغلبانة و الغلبان

و شجاعتي ماهياش في الطاخ طيخ

دي شجاعة تفكير و تماخيخ

الأرض أضربها تجيب بطيخ

بذكاوتي و أخللي الخلا بستان

****

أراجوز أنا .. و الدنيا أرى إيه؟

قرشانة و احنا شبر شبيط

ياما قرمتني و أرى أرى إيه؟

قرصتني ف لباليبي و أنا كبير

فسرحت أنفخ أرى إيه أرى إيه؟

أراغيلها و أغني يا ليلي يا عين

و أتمسخر على أرى إيه أرى إيه؟

أراذلها الفجرة الطماعين

و أضَّحَك كل صبي و عجوز

ع اللي بيتنطط فرقع لوز

مانا أرى أرى إيه؟ أرى أرى أراجوز

****

أراجوز .. و سايقها هبل في جنان

و أنا قلبي .. ملان جدعنة و حنان

و أبان ساهي سهتان سهيان

إنما عقلي للعدل .. ميزان

أنا فلتة .. إنما مش فلتان

و ساعات حرنان .. و ساعات زنَّان

يمكن علشان وحداني .. ما ليش أراجوزة تاخدني بالأحضان

****

أراجوز أنا .. و أقدر أرى أرى إيه؟

أراعيكي و أشيلك في عيوني

و إذا مرة زعلتي أرى أرى إيه؟

أراضيكي بعقلي .. و بجنوني

حُطِّي من السما على أرى أرى إيه؟

أراضيّه و اسلِّم لِك أمري

و كُلِي معايا في أرى إيه أرى إيه؟

قروانتي يا كروانة عمري

و بَدَل مانا كده ملوي الَبَزبوز

أصبح لك جوز معزوز محظوظ

إيه يا ترى إيه؟ أرى أرى أراجوز

أرى إيه؟ أرى إيه؟ أرى أرى أراجوز

تصبحوا علي

شعر


أحمد إبراهيم


http://media.cairodar.youm7.com/imag...%D8%B2-963.jpg

محمد ابراهيم 30-01-2017 12:25 AM

رد: عمنا....سيد حجاب
 
الأول أحمد فؤاد نجم
والثاني سيد حجاب..........والاول مكرر استاذنا الكبير الصابر ايوب انت نسيته بس احنا لا..اختيار موفق ..شكرا لك

الصابر أيوب 03-04-2017 12:09 PM

رد: عمنا....سيد حجاب
 
اقتباس:

المشاركة الأصلية كتبت بواسطة محمد ابراهيم (المشاركة 38648)
الأول أحمد فؤاد نجم
والثاني سيد حجاب..........والاول مكرر استاذنا الكبير الصابر ايوب انت نسيته بس احنا لا..اختيار موفق ..شكرا لك


صباح الفل ياحج محمد
القامات الكبيرة دى زى الشجرة يادوب نقعد فى ضلها
لكن نبقى زيهم صعب جدا
صباحك فل

محمد أفندى 03-04-2017 07:37 PM

رد: عمنا....سيد حجاب
 
http://elmasryafndena.com/up/uploads/1475341788123.png

روعاتك وجمالها مطروح نجنى منه ما لذا وطاب

محمد ابراهيم 09-04-2017 01:32 AM

رد: عمنا....سيد حجاب
 
إنما لما الكيف بقى إدمان

باجي أبص لشيء واحد أرى .. جوز

أرى إيه؟ أرى إيه؟ أرى أرى أراجوز


الساعة الآن 12:39 PM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
new notificatio by 9adq_ala7sas
Developed By Marco Mamdouh
HêĽм √ 3.1 BY: ! ωαнαм ! © 2010

Security team

This Forum used Arshfny Mod by islam servant
vEhdaa 1.1 by NLP ©2009

upmsha3ry