العودة   المصرى افندينا > دوار العمدة > دوار الوفاء فى افندينا
 
 

 
 
الملاحظات
 
 

دوار الوفاء فى افندينا .. كانوا معنا ورحلوا عنا وبقيت اقلامهم .. !


كاتب الموضوع رمزى حسن شحاتة مشاركات 5 المشاهدات 4327
  انشر    |   
انشر الموضوع


إضافة رد
 
 
 
أدوات الموضوع إبحث في الموضوع انواع عرض الموضوع
 
 
#1  
قديم 30-06-2014, 11:05 AM
رمزى حسن شحاتة غير متواجد حالياً
لوني المفضل Cadetblue
 رقم العضوية : 47
 تاريخ التسجيل : Jun 2014
 فترة الأقامة : 1583 يوم
 أخر زيارة : 20-09-2015 (02:34 PM)
 العمر : 76
 المشاركات : 130 [ + ]
 التقييم : 10
 معدل التقييم : رمزى حسن شحاتة is on a distinguished road
بيانات اضافيه [ + ]
افتراضي مسحراتى لكل محافظه يوم من ا الى30



مسحراؤتي متجدد في كل المحافظه
1
مسحراتى لمحافظة القاهرة
اصحى يانايم وحد الدايم
اصحى يامؤمن وحد الرحمان
يا اهل القاهرة الكبرى
فيكي الف مأذنه عامرة
صوت النداء رحمه
فى ضمير المؤمنين
معنى وفرحه
يا أهل القاهره الكبري
رمضان وصل
يرفع عنكم الغمه
من القلعة للامام لباب الخلق
ومن الجماليه وحتى عموم شبرا
من مصر الجديدة والدقي
من العباسية لعابدين والموسكى
اصحى يانايم وحد الدايم
رمضان خزاين الخيرات
شهر الفضائل والصحوة والبركات
الخير جالك متستناش
هرول لرضاء رب العباد
عنه ما تستغناش
فوق ياغافل الفرصه قدامك
رمضان من السنه لسنه
فيها العبادة تمحو اخطائك
اصحى يا نايم
واذكر الخالق
اصحى يانايم وحد الدايم
انت فى شهر فضيل
فيه الصلاه والصوم
ونصرت المظلوم
اوعى تضيع يوم
لدعائك لرب الكون
باب السما مفتوح
للمذنب انه يتوب
رمزي حسن شحاته
---------------------
2
المسحراتي لمحافظة الاسكندريه
اصحى يا نايم واذكر الرحمن
وحد الواحد واسجد لرب الكون
وقرب من الديان
اللى على البشر صاحى
واللى على عباده
و ملكه ما بينام
بينادى على التائب
باب السما مفتوح
بيشفى كل جروح
والرزق لك مضمون
يا هل اسكندريه
يا فنارة مصرنا الكبري
فى احضان كبرى البحار قايمه
الرحمه اهيه
من الرب الكريم جايه
الشهر الفضيل شرف
لبى الندا وقرب
لبى ندا مولاك
وقدم الحسنات
تتفتحلك الابواب
وانصح المخلوق
وادعيله انه يتوب
ولرب العباد ويعود
واعطف على الفقراء
الدنيا متفاته
مهما فيها تعمر
العمر بيك يعبر
وها تسكن البرزخ
عملك هاينجيك
من اللى بيه غواك ابليس
وها تقابل الرحمن
يوم اللقاء فرحان
يوم الحساب اقرب
انجى من عذاب النار
الشهر الفضيل جالك
عليك وعلى ولادك
الشهر الكريم نصره
لومنه يوم عدا
هاتحس بالحسرة
يا اهل اسكندريه
قدمو العون للمحتاج
وخلى بالك يا مؤمن
تكون الحسنه مخفيه
اصحى يانايم وحد الرزاق
رمزي حسن شحاته
----------------------
3
المسحراتي لمدينة رشيد
أصحي يا نايم وحد الدايم
يا ابن رشيد من غفلتك اصحى
ولرب العباد اسعى
نور الهدايه على وجوة
المؤمين فرحه
رمضان شهر الكرم
على اللى من العباد انحرم
هيا اليه واسعى
رمضان شهر المغفرة
والعتق من النار
ايامه معدودة
30 يوم فى السنه
يا عابد الرحمان
صله الرحم بين الاهل
ماتكنشى مقطوعه
اسجد لرب العباد
واقيم الفرض فى معادة
ايام الهنا فى رمضان
بتكون محدوده
يا اهل رشيد
في رمضان الكرم بيزيد
بحور الخير مليانه
منها الفقير ارتوي
وباقت عينه مليانه
يا اهل رشيد هاشيد
بيكم في كل مكان
الود بنكم طرح
وغطا الوديان
حب الوطن موروث
والكل عاش في أمان
وكان الجميع يتمنا
تكون السنة كلها رمضان
رمزي حسن شحاتة
----------------------
4
مسحراتي محافظة دمياط
أصحي يا نايم وحد الدايم
يا أهل دمياط يا قلعة الصناع
يا مصنعه الخير
فيكي هاقول موال
يا بلد صناعة
الموبليا والحلويات
فيكي الخير في كل مكان
فيكي شباب انتصر
وعمر الاكوان
يا أهل دمياط
ملكيشي مثيل في الوطن
القمه متغامسه بالعرق
وجهد عالى من الصناع
والثمرة واضحه
بتمري علي الأنسان
بتزيدة ايمان بالعمل
يا مدينة الخير
يا بسطه الأحسان
الرزاق فيكي متسع
فيكي العمل منتظم
سوق البطاله
ملهشي في المحافظه مكان
يا مهندسين الاخشاب
يا صانعين الابواب
يا محولين الخشب
لراحت الانسان
النيل علي ارضك ثبت
أعظم معجزات الله
يا أعظم محافظه
وأجمل مدينه
يا مضلله علي الوطن
وبسطه عليه فروع أخشاب
رمضان كريم
علي العامل وعالصانع
وعلي كل فرد
علي ارضك بيعبد الرحمن
أصحي يا نايم وحد الدايم
واسجد لرب الكون
الشهر الفضيل حكمته
عمه في كل مكان
رمزي حسن شحاتة
--------------------
5
مسحراتي لمدينه الاسماعليه
أصحي يا نايم وحد الدايم
يا باسط الارزاق
يا رازق الدود في الحجر
الأسماعليه مدينه غنيه
شواطها ممتدا بالخضره والميه
وناسها من العظماء
لشهر الصيام والقيام بتستنى
بساتين فواكها عجب
اعناب ومانجه وبلح
ثمارها من الجنة
وفرع شجرها متغطيه بالخضرة
بلاد جميله
بيها الشعر يتغني
اصحي يا نايم وحد الدايم
رمضان كريم
علي جميع الناس
منافذ الخير ليل ونهار
ساكنه شوارعها بتتدفق
موائد الرحمان فى كل مكان
ضمه الغني والفقير
رمضان يصفى القلوب
شهر المغفرة
بينادى على العاصى
ويجدد المودة بين الاهل والقربي
رمضان عظيم فى مدينه
طو ل عمرها حرة
وناسها من البسطاء
الطامعين فى عفو
الخالق الرحمان
يارب اكرم الجميع
ويكون لاهلها المؤمنين
لهم مكان فى الجنه
رمزى حسن شحاته
--------------------
6
المسحراتى لمحافظ بورسعيد
اصحى يا نايم وحد الدايم
واذكر الرحمان
شهر الامل والكرم
والر حمه والايمان
فيه يكرم الانسان
وفيه يختبر نويا
العاصى والغفلان
يا مدينه البواسل
يا اجدع رجال احرار
بيكم ضربنا المثل
في الشجاعة والفدا
وشهدت الاكوان
شعب طول عمره
شيمته الرجوله والشجاعة
والوطنية في دمه
اعطى الدروس للعدو
وكانو ثلاث دول
بأمكانيات كبرى
أساطيل وطائرات
نالوا هزيمه منها اتعلموا
انه علي شعب بورسعيد
ما يعملها تاني وما يتجنا
ومن يومها صار العدو
يعمل حساب لبورسعيد
لناسها ولشعبها الباسل
أصحي يا نايم وحد الدايم
رمزي حسن شحاتة
---------------------
7
مسحراتي محافظة السويس
أصحي يانم وحد الدايم
الخير اهو جالك
طبل على بابك
يابلد الغريب يامدينه الفدائين
بيكى الوطن يفتخر
ويمجد على الدوام اسمك
كان ليكى اكبر نصيب
فى ثورة الابطال
فجرتى شرار التحرير
وان تميتى للثوار
25 وعشرين ينا ير
وقدمتى اول شهيد ليها
وماهش جديد على السويس
طول عمر الجهاد فيها
وطول عمر شعب السويس
فى الفدا سباق
اصحا ياغافل
وصوم رمضان واقيم الليل
رمضان ايامه معدودة
احرص على الايام
وفيها قدم الاحسان
وذكى على مالك ونفسك واولادك
تنول الرحمه والعتق من النار
من الخالق الرحمان
اصحى يامؤمن واوفى الدين
واسجد لرافع السما
وباسط الارض
باب السما مفتوح
فى اى مكان هاتروح
رمضان كريم يا أهل الخير
يعيده رب العباد على كل الوطن
باليمن والبركات
ويعيده على اهل السويس
ويوفوا بعهد الله ويرجموا ابليس
رمزي حسن شحاتة
--------------------
8
مسحراتي محافظة الشرقيه
أصحي يا نايم واذكر الدايم
واشكر الرزاق
واسجد لرب العباد
واطلب منه علي الدوام غفران
وأقدم اليه الندم علي
كل فرض فات
وسامح اللي اعتدى
في شهر الصيام والقيام والصفح
دا فضله على كل كائن حي
والبر بالولدين
هو أجمل صفات الكون
وأكثر من الإحسان
مسحراتي منقراتي
في كل البلاد سواح
أصحي يا مؤمن
وقدم النصح في رمضان
و أوفي بعهد الله وقدم الخير
وصالح الزعلان
رمضان شهر الصفا
والود و الأيمان
والعتق من عذاب النار
أصحي يا شرقاوي
دانت من بدري ومن الجدود
علي الخير وعلي الكرم ناوي
طول عمرك كريم
وتقدم العوان للمسكين وللمحتاج
قائد المسيره من عندكم
اتمني من الله
علي أيده يكون أصلاح
ويعم كل الوطن
ويبس فيكي يا مصر
كل الود والأخلاص
يا رب سداد خطاه
وعلي أيده أنصر الأمه
ولم شمل الوطن
ونرجع كما كنا
الحب بينا زاد
والسماح والعفو
من الجدود موروث
والوطن في دم الجميع موجود
يا رب كمل لينا خطوينا
ونوصل لكل اللي انظالم حقه
ونعيد مجد مصرنا
ونشوف رايتها خفاقه
علي عموم الوطن
مرفوعه في العالي
أصحي يا نايم وحد الدايم
واذكر الرحمان
رمزي حسن شحاتة
---------------------
9
مسحراتي محافظة البحيرة
أصحي يا نايم أذكر الديان
وأسجد لله على أرضه
فى كل شروق وغروب
وفي أي مكان
واتوجه الي القبله
واقيم اليه الفرض
هو في أيده العفو
والصفح والغفران
يا أهل البحيرة
يا نور الحقيقه
يا مجد حاضرنا
و يا فخر ماضينا
يا مدينة العلماء
يا مدينة العظماء
رمضان كريم
على المؤمنين
وعلى كل ثورى
محب للاوطان
ودعاء المظلمين
ودعاء المؤمنين
من شعب البحيرة
الناس الطيبين
يهدى كل عاصي
على أرضك يا مصر
ودعوة من كل ام
فى لحظه أذان
ولحظه قيام
فى شهر الصيام
وشهر الزكاة
نتلم جميعا
ونحمى البلاد
من شر الفساد
ومن شر المغول
العاملين ضدد الوئام
بين شعبنا
وضد الهدوء
وضد امن الوطن
وبث الاكاذيب
وتفريق الشعوب
والوطن منهم برئ
أصحي يا نايم
وحد الدايم
واذكر الرحمان
يا أهل البحيرة
يا أجمل مدينه
حريه الشعوب
تمنها كتير
بيندفع تمنها دم
والفهم الخاطئ
للحريه
هايضرنا كلنا
وبين الامم
هايسئ لبلادنا
رمضان كريم
يا محسنين
احسنوا لبلدكم
واقيموا فيها العدل
ودى افضل عبادة
فى شهر الصيام
وشهر النجاة يوم القيامه
من عذاب النار
رمزى حسن شحاته
--------------------
10
مسحراتى محافظة الدقهليه
أصحى يانايم وحد المالك
الملك له وحدة لاقبله ولا بعدة
هو اللى رازق الكل
الطير فى سماه
من فضل خالقه
على الدوام شبعان
ما هو الرزق
دايمن من السما
بيوزعه الرزاق
بيتوزع على فى كل مكان
على الارض على شكل
ارزاق
والوحش فى الجبال
والاسماك فى البحار
والحشرات فى باطن الارض
وهو اللي من العدم
لكل ما فى الوجود احيا
واليه الجميع ها يعود يرتدد
شهر الفضيلة ونور القلوب
والرحمة فيه تكون عامه
شهر الصيام والقيام
فيه باب السماء مفتوح
اسعى يا غافل وسدد دين
وندم على اللى مضى
واغسل ماضيك بالدموع
واسجد اليه وتوب
يا أهل الدقهلية
مصر يتكم دائما هي
فى ضميركم دائما اخلاص
بحسه فى كل الناس
فى مدنكم وقراكم
بلدنا فى ازمه
مين غيرنا ينجيها
ومن اعدئها يحميها
وفى الشدة تلا قينا
قلوبنا صفيه ليها
و نحب بعضينا
لازم نخاف عليها
من كل مفترى
يا مؤمنين هيا
بلادنا عايزانا
صلى وادعلها
شفنا علي ارضها عقارب
على تربها
هيا نبعدها
وشفنا فى سماها
طيور متنوعه جارحه
عايزة تحجب
شمسها ونورها
يارب عنها وزيح
كل اللى بيكرها
رمزى حسن شحاته
---------------------
11
المسحراتي لمحافظة الغربيه
أصحي يا نايم وحد الدايم
وحد اللى هايشفعلك
يا ويله اللى بعد عنه
ويا سعده اللي منه كدا قرب
ومن على بابه ما يتحرك
ربه فى قلبه وضميرة
دايمن منورله
يوم القيامه كبير
زمنه الف عام ويزيد
يابدوى بركاتك
فى مسجدك صوت الادان عالى
بينادى على المؤمن
ويذكر الغافل ويذكر العاصي
رمضان كريم على الاهل
والصحبه والناس الطيبين
يا اهل الغربيه
يا مدينتنا يا كبري
يامكرمه الفقراء
ومطمن البوأساء
والبركه فى ناسك
والسيد البدوى
بفضل الله
هو اللى حامى حراسك
عابد تاريخه عظيم
يشهد عليها القوم
نزل ضيف على أرضك
أضاف اليها الخير
يا اهل المحافظه
رمضان السنا دى عظيم
ضاق لبلدنا الخير
ثورة شباب احرار
فتحو لبلدنا ابواب
بثورة شارك فيها الكل
محت زمان الزل
هانعيد مجد ماضينا
شارك ياغرباوى
بلدنا محتاجه
لكل اولادها
وايدي علي ايدك هي اللي هاتساعد
اصحي وحد الرازق
شهر الكريم جالك ومفتح الابواب
رمزي حسن شحاته
-------------------
12
المسحراتي لمحافظة المنوفية
اصحي يا نايم وحد الدايم
يا شعب المنوفيه
يا أعظم هدايه
فى اوطنا ديه
يارفضين الزل
يا محاربين الظلم
يا فلاحين الوطن
يا زارعين الخير
يا اطهر شعوب في الأرض
الطيبه في طبعكم
ماهش كدا علي حد
يا متسلحين بالعلم
يا أذكا شعوب في الأرض
في مصرنا الكبري
العلم من عندكم
نابع من أرضيكم
منه بيترو الصغير والكبير
من المهد حتي اللحد
والود في طبعكم غالب
ماهش علي حد
ومن العدو دايمن ينجيكم
فيكم كتب لقمان
من كثرت الايمان
فيكم علماء اكفاء
اتربوا علي القران
وحافظتم كتاب الله
هيا نشكر الرحمان
اللي فاض علي الفقير والغني
بالرحمه والايمان
يا بلد الفلاح والصلاح
مبرورك الثواره علي بلادنا
علي ايدن مخلصين
ضحوا بامالهم واولادهم
وقدموهم فداء للوطن
يا أهل المنوفية
رمضان اهو جالنا
يضيف في قلوب المؤمنين فرحه
يا رب بارك في ثوارتنا
ويعود الخير كدا علي الوطن
ويضف كرامه لعزتنا
كرامه تضم الكل
رمضان كريم علي الكل
حسنات علينا تتطل
يا عابد الرحمان
أوعه تكون غفلان
عن الفقير و المحتاج
واللي من فقره تملي يئن
اقدم زكا رمضان
بينفس رضيا تمام
عن نفسك ومالك واولادك
هاتلاقيه في الاخره قدمك
وها يبارك الرحمان
وهايزيدك كمان وكمان
وها يبارك كتير بالمال
الحسنه لها حسنات
دايمن في سماها تبات
وليك ها تتحوش
وها تكون لك علي الدوام
أفضل خزائن العمر
أصحي يا نايم وحد الدايم
واسجد لفضل الله
وأشكره علي الصحه
واعلم تمام العلم
قد ايه الصحه علي البشر غاليه
ومنحه من الرحمان
يا رب اشفي كل مريض
واقرب كل اللي عن اهله وتغرب
اصحي يا نايم وحد الدايم
رمزي حسن شحاته
---------------------
13
مسحراتي لمحافظة القليوبيه
أصحي يا نايم وحد الدايم
رمضان كريم
على الغنى وعلى الفقير
يا أهل القليوبيه يا اهل الصناعه
واهل الزراعة يا منتجى الفواكه
من كل صنف ولون
رمضان كريم
على العامل وعلى الفلاح
وعلى كل ايد بتبنى
وتشيد البنيان
وعلى كل ايد بتزرع
سلاحها تملى الفاس
وتحارب المرتشى
واللى فى كل اصول
البلد بيهد
بيكم تملى نفتخر
ونعتز بالنافع
شهر الصيام والقيام
بيغير العاصى
وبغير اللى الدنيا
شغلاه بجمع المال
من الحرام
او من اى باب كان
انسان مريض باهوائه
والناس كلها كشفاه
ورغم الخزى والعار
فى رمضان حاسس بنفسه
من المؤمنين يهرب ويتوارا
شهر العبادة بينقى
كتير من الناس
يا شعب القليوبيه
رمضان بيوحدنا
فى الصيام والقيام
اتمنا نتوحد
فى حب الوطن
ومن اجله لابد للجميع
ان يقدم الاخلاص
ونصوم ونصلى
ونتوجه بالدعاء لله
ان يحمى الوطن
وتتجمع
على الخير والموده
وحب الوطن
كل قلوب الناس
رمزى حسن شحاته
--------------------
14
مسحراتي لمحافظة الجيزه
أصحي يا نايم وحد الدايم
يا اهل الجيزة يابوابه الصعيد
شوراعك حكايه لذيذه
بتعكس مرايا عظيمه و جميله
لاقدم واعظم شعوب
بين اهلك وناسك محبه ومودة
من قديم العصور فى قلب الجميع
الشعب الجزاوى بحاله
بكامل رجاله ونسائه
بيساند ثورة بلادة
وبيايد العهد الجديد
يا أهل المدينه وقراكى الجميله
رمضان بايمان ناسك وشعبك
وبلعابدين والمؤمنين
دايمن سعيد
على ارضك اهرام بلادى
بتاكد عظمه اجدادى
من قديم الزمان و العصور
بتحى شباب الثورة
وبتهنى العهد الجديد
اصحى يامؤمن وامن بلادك
وصلى وصوم وترجى الاله
يصونك يا مصر
من شر الافاعى
وشر العقارب
ووحد صفوف اهلها
ويلم شمل الجميع
وتعود البسمه تبات فى ارضها
وتملا سمها وتخضر قرها
ونشوف الصلاح والفلاح
على كل الوجوة
فى طول البلاد وعرضها
رمزى حسن شحاته
----------------------
15
مسحراتي محافظة 6 أكتوبر
اصحي يا نايم وحد الدايم
واسجد لفضل الله
هو الأول والخالق
المحيى والمميت
والأمر والناهي والغفور الودود
والعافي والشافي
واليه تعود الأمور
يا أهل أكتوبر يا احدث محافظه
فى قلوب شعب مصر
ها تظلي موجودة
على مدا كل عصر
في قلب كل مصري
بيحبك يا مصر
رمضان كريم يا مسلمين
يا موحدين يا صناع الخير
يا أهل القيام والصيام
رسول الله باعث اليكم رسالة
بيذكر كل المؤمنين
انه ها يوفي بيوعده
يوم القيامه
و ها يتراجي ربه
انه برحمته يعفو عنكم
و يتدخلكم جنات النعيم
يا أهل أكتوبر
يا شهر الانتصار العظيم
تاريخك ها يظل قائم
في قلوب المصرين
لشكر رب العلمين
رمضان كريم
يارب عيدة على المصرين
ونصر شعبنا المسالم الكريم
من كل غادر لئيم
امين يارب العالمين
رمزى حسن شحاته
----------------------
16
مسحراتي محافظة حلوان
أصحي يا نايم وحد الدايم
وحد الواحد الذي لايغفل
ولا ينام
يا اهل حلوان يا اولاد الحلال
رمضان كريم على كل عابد
وعلى كل ساجد
فى قلبه المحبه لاهله وناسه
ولوطنه الحبيب
وفى الشهر الكريم
يادى الزكاة
اصحى ياغفل واقيم العبادة
فى شهر الغفران
فى امكانك تتوب من كل الذنوب
باب السما مفتوح
بيداوى كل الجروح
من اللى تجبر وعمرة ماكبر
والدنيا لعبت بيه
ونسى فضل الله
الشهر الفضيل جاله
يقام اهوئه ويرجم الشيطان
ويسجد للخالق
وبيدموع الندم يبكى
يبل الارض
ويعود لرب كريم
ويستعطفه فى الشهر الصيام
والقيام والمغفرة
انه عنه ويعفى
ويعتقه من عذاب النار
وانه فى صفوف المؤمنين هايكون
اصحى يا غفل
رمضان ايامه معدودة
ويابخت اللى يرضى ربه
ويفوز برضى الرحمن
رمزى حسن شحاته
-------------------
17
مسحراتي محافظه شمال سيناء
أصحي يا نايم وحد الدايم
يا اهل شمال سينا
يا اسود وادينا
يا مرابطين علي الحدود
يا مخلصين للوطن
يا سيناويه
يارجاله فى كل زمان
حب الوطن فى كل فرد
بيه على الوطن بيجود
بيكم ضربنا المثل
فى الحب والايمان
رمضان كريم
علي الاسود حامي الحدود
شهر الصيام والقيام
وقرائت القران
الله يبارك لكم
ويزيدكم ايمان كمان و كمان
يا أهل الشمال يا أهل الكمال
يا مدفعين عن الوطن
بالروح والمال والدم
علي مدا الازمان
ليكم محبه في الوطن
بيكم مصر تفتخر
أجيال ورا أجيال
أمكم مصر العزيزه
أنتم في الذاكرة ابطال
رمضان كريم
علي كل ربوه
وعلي كل تله
وعلي كل ذرة رامل
فيها الشهيد اندفن
فيها تنام ابطال
قدمو للوطن اروحهم للفداء
فنالوا رضاء الوطن
وهم في السماء احياء
رمضان كريم
يا رب عيده علي الأمه
وارحم الشهداء
رمزي حسن شحاته
------------------
18
مسحراتي محافظة جنوب سيناء
أصحي يا نايم وحد الدايم
يا اهل جنوب سيناء
يا ورد الخدود
يازهر الجناين
علي جبين الوطن موجود
فى ضمركم انتماء للوطن
من فجر التاريخ موجود
رمضان كريم
علي العامه وكل الناس
رمضان كريم
علي كل جنوبي في سيناء
راضع من مولده أخلاص
رمضان كريم على كل القبائل
اللى صانو الجنوب
وحامو الحدود
واتحدو العدوى
وسقوة المرار الوان
ورفضوا الاحتلال
وضحوا بالمال والولد
وقلقو العدو فى احتلاله
ليل نهار ماينام
يا أهل الجنوب
يا فرسان الوطن
رمضان كريم
على البنا والصانع
واللى شيد قراكى
وليلك بقا على الملا
نهار مضيئ ساطع
يا أعظم رجال
في قلبهم حنان
حب الوطن موروث
من الجدود موجود
بيكم الوطن يعتز
وسام علي صدوركم
يا أهل الجنوب سيناء
واضح علي الرجال واضح
أصحي يا نايم وحد الدايم
رمضان كريم يا أهل الجنوب
يا ورد الخدود
يا زهور الجناين
علي جبين الوطن موجود
رمزي حسن شحاتة
-------------------
19
المسحراتي
لمحافظة بني سويف
أصحي يا نايم وحد الدايم
يا أهل المروئه والانسانيه
يا أهل بنى سويف
اهلك وناسك فى الحق
ذى حد السيف
يا أهل بنى سويف
اذا سمحتولى أنا المسحراتي
هانزل عليكم ضيف
يا أهل الكرم والسماحه
يا بوابه الصعيد
فيكى الرجال اشراف
ما تعرف الرياء والزيف
رمضان كريم
على اهلك وناسك
مسحراتى ها لف كل المحافظه والمراكز والقري
اخبط ونقر على طبلى
وها صحى النايم
وقوله فوق واصحى
شهر العبادة وصل
فى قلب المؤمنين فرحه
وسعادة عامه على الكون
اسجد ياعابد وبوس الارض
رمضان اعظم شهور السنه
دعوة لكل مؤمن
فيه شجع العاصى وعلمه
فوائد الصوم وقربة من الله
انه يقيم الفرض
واذكر الصاحى
واقوله اسعى فى الخير
لكل الناس
واعلم يابن ادم
اذا قدمت الخير
لوجه الله بنيه صافيه
هايكون له في الحياة
والاخرة مردود
أصحي يا نايم وحد الدايم
وأقيم العباده وصوم الشهر
رمزي حسن شحاتة
---------------------
20
مسحراتي محافظة الفيوم
يا أهل الفيوم يا أطيب ناس
يا أعظم قوم
رمضان كريم علي كل مؤمن
عبد الإله سرا وعلانية
أصحي يا نايم وحد الدايم
واذكر الرحمان
رمضان كريم
علي أهل الفيوم الطيبين
وعلي أهل وادي رايان
ويا رب زدهم من الخير
كمان وكمان
وأهل بحيرة قارون
المؤمنين والموحدين بالله
ومركز يوسف الصديق
اللي بيه نصف القوم
الناس العظام الكويسين
ومركز اطسا
مايتها طهره ونقيه
خد منها واتوضا
واسجد لرب الكون
عنده الفرج مضمون
ومركز ابشواي
فيه البشر أخوان
الحب بينهم علامه
وضحه علي وشوش البشر
تلاقيها علي ارضهم
في كل مكان
ومركز طاميه
فيها البشر عامة
لخدمة عبادة الرحمان
رمضان كريم يا موحدين بالله
ومركز سنورس
فيه البشر افاضل
لا يخشوا إلا الله
ايدهم في ايد الفقير
ويساعدوا المحتاج
أصحي يا نايم وحد الدايم
واذكر الرحمان
رمزي حسن شحاتة
-------------------
21
المسحراتي محافظة المنيا
أصحي يا نايم وحد الدايم
رمضان كريم يامؤمنين
يا محسنين يا منورين
يا موحدين لملك الكون
يا محترمين دنيا ودين
المنيا قبلي و بحري الصعيد
محافظه كبرى
بلد الكمال مصنع رجال
محافظة تمتلك كل الجمال
أطلاقوا علي المنيا
عروس الصعيد
في مراكزها وقورها
على الدوام رجال عظام
مركز دير أمواس
ومركز أبو قرقاص
الكل من أهلها
غنى وفقير مضياف تملى
كريم بطبعه
بلى عندة دايمن يجود
رمضان كريم يا أهل بلدى
شهر الصيام والقيام
رفض البخيل والئيم
ومركز سمالوط ومركز العدوة
فيهم عائلات كبرى
تقدم الخير للغير
وتعتز بموطنها المنيا
تحيه من القلوب
لمركز مطاي بلد الجدود
ومركز بني مزار
الكل بشهر الصيام والقيام
سعيد فرحان
ومركز مغاغة ومركز ملوي
بلاد عظيمه باهله وناسها
أصحي يا غافل
احرص يفوتك يوم
وركب قطار المؤمنين
دامن مولدك حتى لقاك الرب
ها تعيش وتموت
لخالق الملك دايمن عبد
أصحي يا منياوي
وساند على الدوام بلدك
وناصر تملى الحق
رمضان شهر العتق والصدق
فى كل شيئ بيتم
شهر عظيم
فيه المؤمنين تتحب
أصحي يا نايم وحد الدايم
رمزي حسن شحاتة
---------------------
22
المسحراتي محافظة أسيوط
أصحي يا نايم وحد الدايم
يا أهل مركز أسيوط
من حرصكم على المعايش
ومن خوفكم علي بكره
مع العلم الرزق
في الحياه مضمون
ضمنه الله في علاه
للحوت وللبرغوت
اما انا منكم
على الدوام مبسوط
الكل على راى واحد
فى المعايش
الكل عليها متفق
النعمه تلمها تلمك
والقرش الابيض
بينفع في النهار الاسود
وخدين الحياة جد فى جد

لا إسراف ولا زيف ولا تبزير
الكل راضى بقسمته
اهم ما فى الحياة
ان الفرد يعيش مستور
اصحى يانايم وحد الواحد
رمضان كريم
يا اهل مركز ساحل سليم
فيكم الفقير مستور
يلبس توبه على قده
وياكلها بيبصله وحبت ملح
ولا يبات فى الحياة مديون
يا أهل مركز صدفا
ياللي بنيتوا علي كيتفكم
كل المدن في كل مكان
في مصرنا الكبرى
فيكم رجال جهدها
من حديد الصلب
وعزيمه من حجر سوأن
رمضان كريم يا مؤمنين
علي كل الناس والعامه
من كل مدينة
في مصرنا الكبرى
ليكم أجمل تحيه
و معها ميت تقدير
أصحي يا نايم
مسحراتي بنقر علي طبلي
وعلي كل باب
في مركز ابنوب
أصحي النايم وأنبه العصي
أنه في شهر الصيام والقيام
يترك خلفه الذنوب ويتوب
أصحي يا نايم وحد الرحمان
ويا مركز الغنايم
يا مكرمين الفقير والضيف
فيكم الاصاله
من الجدود موروثه
وصلبه كاحد السيف
أصحي يا نايم
يا مركز ابو تيج
الشهر الكريم شرف
ابحث عن الخير
وللفقير قدم
وللذكا واصرف
أصحي يا عابد
ربك بيندهلك
قدم ذكاء المال
عن الصحه و الاولاد
وللفقير قدم
أصحي يا غافل
مركز القوصية
في شهر الصيام والقيام
بيكون العزيمة لشهر الفضيل
ميه في الميه
مركز منفلوط
يا رمان مصرنا الكبرى
ليكم الوطن محتاج
أيدكم في ايد الوطن
نقيم بلد حره
أصحي يا نايم وحد الدايم
يا مركز البداري
ويا مركز ديروط
ويا مركز الفتح
أهتموا بالزرعة القمح
وبلاش نستورة
رغيف العيش من بره
ونصون كرمة المصري
وتكون راسه مرفوعه
في السما السبعه
أصحي يا نايم وحد الدايم
الشهر الكريم أيامه معدوده
دا من السنه لسنه
بيكون شهر فضيل
بيسعد المؤمنين
وتحبس فيه الشياطين
رمزي حسن شحاته

23
----------------------
المسحراتي محافظة سوهاج
أصحي يا نايم وحد الدايم
يا مركز سوهاج
اهلك وناسك رجال عظام
بيتحلو كلهم بالزوق
والعفه واعظم الاخلاق
فى دم الجميع العبادة
والعبادة عندهم
مش هى الركوع والسجود
فى الصلاة
ولا امتناع في الصيام
عن الزاد
العبادة عندهم
خالصه لوجه الله
رمضان كريم يا محسنين
يا موحدين بالله
---------------
ويا مركز المراغه
يا متحلين بالولاء والطاعه
والعلم من عندكم
وافكار اهل المراغه
فيها البرائه
وحلمهم فيه الشجاعه
وانتمائهم للوطن
كله رجوله
صعيد على حق
رجال من حديد الصلب
مولود خالى الخلاعه
رمضان كريم
يا أهل المراغه
-----------------
ويا مركز ساقلتة
ويا مركز جهينة
تقدم الوطن
هايعم عليكم وعلينا
-----------------
ويا مركز المنشاة
ويا مركز أخميم
يامؤمنين ياموحدين
فى حضنكم النيل
بيكم الوطن يتشرف
النيل حاضن اراضيكم
------------------
ويا مركز دار السلام
عشان اوصفكم
لان الكرم منكم
محتاجه منى سنين وايام
وعشان عنكم اكتب
ووصفكم بالجدعان
محتاجه مني كتب
يقرأها كل كريم
وينتفع بيها الاجيال
--------------
ويا مركز البلينا
ويا مركز جرجا
يا مجمعين الاديان بالمحبه
ومافيش في وسطكم فرقه
-----------------------
ويا مركز طما
ويا مركز طهطا
الثورة قامت من اجلكم
ولابد الكل يتساوي
ونعيش في قلب الوطن
احرار الكل يحس بالفرحه
أصحي يا نايم وحد الدايم
وحد الرزاق
رمزي حسن شحاتة
-----------------
24
مسحراتي محافظة قنا
أصحي يا نايم وحد الدايم
يا أهل مركز قنا
لكم معزة ما تستخبى
فى قلبى انا
وما تستخبى فى قلب امه
من الجدود رجال أسود
الدم حامي لحظه غضب
فى العرض و الحق
يشعل وقود موروث
من الجدود في دمكم كلكم
نارة حاميه يصهر حديد
يصير رماد من حطب
كل الوطن باكمله
تعرف قنا واهلها
الكل بشهد لكم
بالنزاها والمروئه
والشجاعه والجدعنه
يا أهل قنا رمضان كريم
علي المؤمنين
وعلي الفقير والغني
وحدوه وذكروه
واسجدو له في كل صلاه
هو الاله سهران في علاه
من البدء لتكوين
عيونه ما شافت نوم
ما هو خالق الحياه
وهو علي كل شئ قدير
يا أهل مركز نجع حمادى
فيكم رجوله تعتز بيها بلادي
قلعة صناعه وزراعه
وأيد عامله في كل شئ
حمده الاله وشكراه
علي اللي في اللوح انكتب
وبيه سبحانه لعبده أمر
يا مركز أبو تشت
باهلك انا اتشرفت
وقالت أنا صعيدي
ويا مركز نقادة
بايمانكم هاتظلو اسياد
اشكروا رب العباد
علي ما انتم فيه من نعم
ويا مركز دشنا
فيكم الصفوه والكرم
لكم عليه مشهود
أكرام الضيف والفقير
ايمان فى دمكم موروث
في النفوس الطيبه
في دشنا مالو حدود
ويا مركز فرشوط
فيك الرجال موجود
معادنها من فولاز الصلب
في الفداء بالدم
من اجل الوطن
علي الدوام بيجود
ويا مركز الوقف
يا ريت توفقوني
ومن فضلكم أسمعوني
الامه محتاجه الجميع
وبتقولكم جميعا
حمي الوطن والارض فرد
ذي العرض
وبتقولكم ليكو كولكم
اذا حمتونى هاحميكم
ومهما كان الخطر
نادو عليه في الشده تلاقوني
والاقيكم
ويا مركز قوص
ويا مركز قفط
فى الحق ورضا الرب
طوعوني
وحد الدايم يا صايم
قنا فيها علي الدوام
الرزق مضمون
علي أهلها وناسها
من السماء دايم
رمزي حسن شحاته
---------------------
25
مسحراتي محافظة الأقصر
أصحي يا نايم وحد الدايم
يا مركز الأقصر
فى قلب امتك تسكن
فيك سر اوطانى
وسر اجدادى
لما طوعو الاحجار
بالمطرقه والازميل
والمنشار
وصنعوا من العلوم تمثال
تشوفه تقرئه كانه كتاب
وتوصلوا لاعظم الالوان
والامم فى نيام
و اقاموا المعابد
وشيدوا الاهرام
وحنطوا الانسان والحيوان
قبل الزمان بزمان
امه العلم فيها اتولد
قبل عصر الغاب
رمضان كريم
على ارض اجدادى
واهلى وناسى
فى قلبهم الاقصر
من فجر التاريخ تسكن
---------------
ويا مركز أرمنت
باسمك فى كل الدول
باسمك انا تشرفت
----------------
ويا مركز إسنار
الطيبه والاخلاق
على ارضكم نسمه
من الجميع تتحب
معجونه بصفاء الود
الحب عندكم
مزروع من الجدود
مزروع فى اراضيكم
اصحى يانايم وحد الدايم
واذكر الرحمان
فى شهر الصيام والقيام
فيه العبادة خير من النوم
وخير من اموال الملك
وخير من كنوز الارض
لان العبادة رصيد
للبشر دائم
مفاتيح خزاينه
انك تقيم الفرض
رمزى حسن شحاته
------------------
26
مسحراتي محافظة أسوان
أصحي يا نايم وحد الدايم
----------------
يا مركز أسوان
يا خزنه الأسرار
سمار أهل المحافظة
وناسها عجب
ناخد منها ونكحل الأكوان
ما هو دا الوجه
المصري القديم
من قبل الزمان بزمان
الطيبة في طبعكم
موروثة من الأجداد
---------------
ويا مركز نصر
وحدوا الديان
الشهر الكريم
عليكم ضيف
اعطفوا علي المحتاج
وعلي الغلبان
والعطف مش بعطاء المال
الكلمه الطيبه حسنه
يسمعها منك الفقير
تشفي جروح الروح والنفس
رمضان كريم يا أهل نصر
اتمنا يكون اسمكم
من نصيب وطني
-------------ا-
ويا مركز إدفو
الخير في شهر الصيام
والقيام والعبادة
ها يخبط علي بابكم
الود فى طبعكم
دعائى لكم من القلب
رب الكون يكرمكم
يا اطهر محافظه باهلها وناسها
وحدوا الدايم واذكروه في علاه
---------------------
ويا مركز كوم امبو
يا مشرف تاريخ بلدي
اسمك نار علي علم
يفتخر بيها اهلك وناسك
ويا مركز دارو
يا مولدين احرار
فيكي سوق الجمال
فيكي الرزق الحلال
أرضك علي الدوام جنه
يا عظيمه يا حلوه
أصحي يا نايم وحد الدايم
وحد الرزاق
رمزي حسن شحاتة
27
مسحراتي محافظة
الوادي الجديد
يا اجمل محافظه
يا غليا علينا
وعلى اهلك وناسك
وفى دم الجميع
غلاوتك يا بلدى
بتجرى فى الوريد
رمضان كريم
يا مؤمنين
ارضك كبيرة
تكفى الجميع
ومن خيرها فى الزراعه
هايكون لدينا من الحبوب
اكبر صوامع للغلال
تكفى الجميع
اراضكى يا طهرة
محتاجه نظرة
من الدوله كامله
وتمد المرافق
وتفتح مصارف
وتراعى المياة
وندعم الفلاح
هاننتج غذائنا
وكفانا استراد
------------
مركز الخارجه
املنا املكم
فى زراعه بلادكم
رجالكم نسور
تتحدى الاسود
فى قلبهم محبه
ها تعمر دياركم
ويرتاح الجميع
-----------
ويا مركز الداخلة
يا اسرة كبيرة
رمضان كريم على الكل
والثورة ملك الجميع
وبلادنا ملك الكل
مصالح بلادنا
فوق الجميع
وهانبنى بلادنا
بيد الجميع
يسعد ودينا
والخير يذيد
------------
ويا مركز باريس
ويا مركز الفرافرة
اولادكم اولادنا
نقيم المدارس
ونقيم الجامعات
ونقدم علومنا
لاجيالنا اللي جايه
هاتبني الحضاره
وتهدي النفوس
أخلاصك لوطنك
عباده اكيد
أصحي يا نايم وحد الدايم
واذكر الخالق
رمزي حسن شحاتة
--------------------
28
مسحراتي مرسى مطروح
أصحي نايم وحد الدايم
يا مركز مرسى مطروح
انا من جمالك وجمال شواطئك
وظرف أهلك وناسك
عنك ماهبعد انا فين اروح
بلاقيكي فى قلبى يا مطروح
هواكي عليل يشفى الجروح
اذا جه وزارك الحبيب
يعشق جمالك يهوا حلوتك
يهوا شواطئك والموج يدعبك
ولو زارك مره
ها يظل عمرة دايمن وفاكرك
ولا عمرك تنسى اليها تعود
ارضك ياما شافت حروب
أصحي يا نايم وحد الدايم
واسجد لمولاك هو الرقيب
بايمانك يابن ادم
تعبر سدود
وايمانك يعديك بحور
بلا سفينه مكان ماتروح
-------------
ويا مركز النجيلة
يا بلاد جميله
رمالتها صفره
ومياتها صفيه
تشغل قلوب الزائرين
وتسر عيون الناظرين
---------------------
ويا مركز الحمام
فيكي البشر اخوان
الحب يجمعهم
في قلوبهم دائمن ايمان
----------------
ويا مركز العلمين
أهلك وناسك
داوقوا الحروب والويل
في ارضك زارعوا النار
زراعوها الغام ودمار
الحرب العالميه الثانيه
قوات المحور بقيادة روميل
وقوات الحلفاء بقيادة مونتجمرى
وانتصر فيها الحلفاء
ولازلت مقابرهم
علي ارض العلمين
ومن هذا التاريخ
أصبحت العلمين
أكبر موقعه حربيه
في التاريخ
ونالت العلمين شهره
عمت الدنيا باكملها
-----------------
ويا مركز السلوم
بيك معجزه كبرى
علي أرضك يتم كسوف الشمس
كل مائتان عام بتحديد
------------------
ويا مركز الضبعة
على ارضك النووى
مصلحه عامه
وها يزود المصانع
ويقضى على البطاله
والخير يعم الامه
-----------------
ويا مركز سيدي براني
انا فاكرك متنسانى
---------------
ويا مركز سيوة
على ارضك معجزة كبرا
محمية العميد ومحمية أم الغزلان
ومعبد رمسيس الثاني
وحمام الملكة كليوباترا
وفكي زراعه تكفي الامه باكملها
يا ريت تهتم بيها الدوله
أصحي يا نايم وحد الدايم
وحد الرزاق
رمزي حسن شحاتة
-------------------
29
مسحراتي محافظة البحر الأحمر
أصحي يا نايم وحد الدايم
يا مدينة الغردقة
يا عروس البحر الاحمر
علي ارضك متزوقه
يا جميله وساكنه
في قلبي مربعه
وجودك علي الكون ابداع
سبحانه ربي في خلق
هذا الجمال
وسبحانه في اقامت الاكوان
علي ارضك اتمني اشوف
زوارك ملايين وألوف
ونبوس الايد اللي بتبني
واللي بتزرع
واللي بتقدم لبلادنا
حصاد الخير
يا ارض الحديد والفوسفات
واحجار الزينه
-----------------------
ويا مدينة القصير
يا مدينة مناجم الدهب
جمالك مش علي حد
نسج فى ارضك ود
بفضل رب الكوان
----------------
ويا مدينة سفاجا
يا سكر زياده
أهلك وناسك
عظماء بالعباده
----------------
ويا مدينة رأس غارب
الله علي الدوام غالب
------------------
ويا مدينة مرسي علم
فيكي السياحه عجب
الناس تزورك ذي الهرم
-----------------------
ويا مدينة الشلاتين
فيكى اوفا الرجال المخلصين
فيكى قبيله البشايرة
وقبيله العاببدة
هم اهلك وناسك
عيونهم على الوطن حرسيين
أصحي يا نايم وحد الدايم
رمزي حسن شحاتة
30
ليه مستعجل يا رمضان
ياشهر العزة والقرآ ن
والمتعه ب الايمان
يا اللي حنانك مالى ايامك
علي المسكين و الغلبان
مابعدة حنان
يابو النفاحات
فيك الرحمة بتكون عامة
على كل الكون بتبات
لية ما تهدى ماهوكان بدرى
ليه أيامك تملى بتجري
ذ ي ربيع العمر يعد ي
دا حنا تملي بنستناك
يابو البركات والنفحات
شهر عظيم كلة حسنات
دنتا فى قلوبنا العمر تبات
احنا المسلمين فى كل مكان
بنعد لصولك بالا يام
بتذود فى قلبنا الفرحة
فيك الرحمة بتكون عامة
ياشهر الصوم والغفران
على الانسان
فيك الحكمة بتكون ثابتة
فيك الصمت عبادة خالصة
فيك بنسامح الغلطان
وبنذكر الغفلان يعيد حسباتة
فى شهر الصوم
ويعود لله ويتوب
باب السما فيك يارمضان
للعاصى دايمن مفتوح
فرصه ياعاصى عود لله
رمزي حسن شحاته

ساعد في نشر والارتقاء بنا عبر مشاركة رأيك في الفيس بوك



كلمات البحث

العاب ، برامج ، سيارات ، هاكات ، استايلات





lspvhjn g;g lpht/i d,l lk h hgn30




 توقيع : رمزى حسن شحاتة


رد مع اقتباس
قديم 02-07-2014, 02:00 AM   #2


الصورة الرمزية محمد أفندى
محمد أفندى غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Jun 2014
 أخر زيارة : يوم أمس (10:30 PM)
 المشاركات : 14,943 [ + ]
 التقييم :  11
 الدولهـ
Egypt
 الجنس ~
Male
لوني المفضل : Blue

اوسمتي

افتراضي رد: مسحراتى لكل محافظه يوم من ا الى30



يامسحراتى المدن الكل مدين لك
تكتب وتسحر وشمعه تنور بك
لولا سحورك ويا كلامك يذيد مقامك
نعيد ونكتب نعيد ونسمع والحسن ذادك
عند النبى والرب شاهد ومن الحبايب مذادك
والسعر غالى وانت اغلى من الغوالى بعد حسادك
يارب دايما نشوف ونسمع احلى كلامك مع سلامك..
محمد افندى..
.
.


 
 توقيع : محمد أفندى



رد مع اقتباس
قديم 12-07-2014, 06:11 AM   #3


سمير عثمان غير متواجد حالياً

بيانات اضافيه [ + ]
 رقم العضوية : 24
 تاريخ التسجيل :  Jun 2014
 أخر زيارة : 03-10-2016 (02:23 AM)
 المشاركات : 3,077 [ + ]
 التقييم :  10
لوني المفضل : Cadetblue

اوسمتي

افتراضي رد: مسحراتى لكل محافظه يوم من ا الى30



اخى رمزى حسن شحاته



انا لسه جاى وفرحان انى معاك

مع البلاد وكل بلد مسحراتى يقول حكايات

لكن مع رمزى حسن شحاته نشوف الكلمه والابداع

بيبعت حروف زيادى فوق حروف الابجديه

خلينا نستمتع معاة

اخوك

سمير عثمان


 
 توقيع : سمير عثمان



رد مع اقتباس
قديم 13-07-2014, 03:53 PM   #4


الصورة الرمزية رمزى حسن شحاتة
رمزى حسن شحاتة غير متواجد حالياً

بيانات اضافيه [ + ]
 رقم العضوية : 47
 تاريخ التسجيل :  Jun 2014
 العمر : 76
 أخر زيارة : 20-09-2015 (02:34 PM)
 المشاركات : 130 [ + ]
 التقييم :  10
لوني المفضل : Cadetblue
افتراضي رد: مسحراتى لكل محافظه يوم من ا الى30



كل الشكر لعميد المنتدى ابورمضان


 
 توقيع : رمزى حسن شحاتة



رد مع اقتباس
قديم 13-07-2014, 03:56 PM   #5


الصورة الرمزية رمزى حسن شحاتة
رمزى حسن شحاتة غير متواجد حالياً

بيانات اضافيه [ + ]
 رقم العضوية : 47
 تاريخ التسجيل :  Jun 2014
 العمر : 76
 أخر زيارة : 20-09-2015 (02:34 PM)
 المشاركات : 130 [ + ]
 التقييم :  10
لوني المفضل : Cadetblue
افتراضي رد: مسحراتى لكل محافظه يوم من ا الى30



الفاضل والكريم والزوق الشاعر المبدع سمير عثمان واحتامى ياعظيم


 
 توقيع : رمزى حسن شحاتة



رد مع اقتباس
قديم 13-07-2014, 05:30 PM   #6


الصورة الرمزية محمد أفندى
محمد أفندى غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Jun 2014
 أخر زيارة : يوم أمس (10:30 PM)
 المشاركات : 14,943 [ + ]
 التقييم :  11
 الدولهـ
Egypt
 الجنس ~
Male
لوني المفضل : Blue

اوسمتي

افتراضي رد: مسحراتى لكل محافظه يوم من ا الى30






 
 توقيع : محمد أفندى



رد مع اقتباس
إضافة رد

مواقع النشر (المفضلة)

الكلمات الدلالية (Tags)
محافظه, مسحراتى, الى30

مسحراتى لكل محافظه يوم من ا الى30



الذين يشاهدون محتوى الموضوع الآن : 1 ( الأعضاء 0 والزوار 1)
 

(عرض التفاصيل عدد الأعضاء الذين شاهدوا الموضوع : 3 (إعادة تعين)
, ,
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بورسعيد والكارت الذكى اول محافظه محمد أفندى اخبار مصر المحروسة والعالمية 2 05-09-2014 10:31 PM
افندينا مسحراتى اكتوبر العاشر من رمضان محمد أفندى بطولات وتضحيات جيل اكتوبر 0 24-06-2014 07:37 PM

Facebook Comments by: ABDU_GO - شركة الإبداع الرقمية

Bookmark and Share


الساعة الآن 04:27 AM

أقسام المنتدى

ركن المصرى افندينا الاسلامى | المنتدى الاسلامى العام | صوتيات و مرئيات اسلامية | ركن الاستعلامات و الطلبات و التنويهات | تنويهات و اشعارات المصرى افندينا الإدارية | طلباتك و اقتراحتك و تساؤلاتك دوت كوم | المصرى افندينا دوت كوم | ركن المصرى افندينا العام | دوار الاستقبال و الترحيب بالأعضاء | دوار التهانى و المباركات | دوار المواساة و التعازى | دوار المصرى افندينا العام | حوارات المصرى افندينا | اخبار مصر المحروسة والعالمية | وكالة المصرى افندينا للأخبار والجرائد والمجلات | ما تقوله وكالات الانباء العالمية | اخترنا لك من الاذاعة والتليفزيون | منتجع المصرى افندينا | نافذة من مصر المحروسة والعالم | حول العالم دوت كوم | ركن الصور و اللوحات العالمية | افندينا للفيديوهات و الافلام الوثائقية و التاريخية | معهد افندينا للطرب الاصيل و المعزوفات القيمة | افندينا شعبى و شبابى | افندينا للمسابقات و الالعاب | ركن النكات و الطرائف والعجائب | ركن الشعر و الأدب | دوار الشعر الفصيح | دوار الشعر العامى | افندينا للفضفضة و الخواطر | ركن القصص و الروايات | افندينا لروائع الشعر و الأدب المنقولة | ركن التاريخ | اطلالة على التاريخ الاسلامى | تاريخ مصر المحروسة | من تاريخ الأمم و الحضارات | ركن افندينا الصحي والطبي | سيرفرات المصرى افندينا المجانية اليومية | افندينا للستالايت و الفضائيات | معهد افندينا للعلم و المعرفة | ركن علوم الطبيعة | مكتبة المصرى افندينا | ركن التصميم و الفوتوشوب | ركن الفلاش و السويش ماكس | قاعة افندينا للبرامج و الشروحات التطويرية | قسم الهاكات و الأكواد و متطلبات المنتديات | ركن الصحة و العلاج بالاعشاب | ذوى الاحتياجات الخاصة | ركن التنمية البشرية | ركن الأسرة و المجتمع | ركن حواء | ديكورات افندينا | مطبخ افندينا | قاعة ادم | ركن الاطفال | دوار العمدة | دوار العمدة ~{((محمد أفندي))}~ | قهوة معاشاتى و مشاهداتى اليومية | الهلال الاحمر فى بورسعيد | الاشغال الفنية و الحرف و الصناعات اليدوية | البيئة و المجتمع | محكمة افندينا الغنائية | خواطر و اشعار محمد افندى | دوار ~{((محمد الهلالى))}~ | ركن المصرى افندينا للستالايت و الفضائيات والبرمجيات | كافيه المصرى افندينا | ملحمة أكتوبر شعب وجيش | بطولات وتضحيات جيل اكتوبر | يوتيوب وصور وثائقية | بطولات المخابرات العامة وحرب الجواسيس | قسم خاص للرسيفرات المتنوعة | استاد افندينا الرياضي | قسم الرياضة المصرية المحلية | الرياضات العالمية | قسم خاص بالسيارات والسباقات والدرجات النارية | المصارعة العالمية والبطولات الدورية | القلم الساخر وكتابات ومقالات للمشاهير | القسم الطبي العام | مصطبة افندينا للفضفضة | وكالة افندينا للدعاية والاعلان | قسم الاعلانات والدعاية المجاني | دوار ~{((سمير عثمان))}~ | معهد افندينا للعلوم و المعرفة | ركن علوم الفضاء والفلك | افندينا للمحمول والجوالات والهواتف | دوار العراقي ~{((بهجت الراوي))}~ | أسعار الذهب والعملات الاجنبية في مصر اليوم | ركن الفيديوهات للعلوم والمعرفة | افندينا للافلام الاجنبية والعربية بتحميل تورنت | افندينا للافلام الاجنبية | افندينا للافلام العربية | دوار ~{((الشاعر وليد حمدي))}~ | خيمة افندينا الرمضانية | المطبخ الرمضانى | مسابقات و فعاليات رمضانية | الاعجاز العلمي في القرآن الكريم | واحة الشيخ عبد الباسط عبد الصمد | واحة الشيخ محمد صديق المنشاوى | واحة الشيخ مصطفى اسماعيل | واحة الشيخ محمود على البنا | اعلانات شركات الاستضافة | خطبة الجمعة نصوص مكتوبة و جاهزة | جروب الجيش القطرى الحر | فيسبوكنا كلنا | قسم سيرفرات افندينا IPTV- WEBTV والمشاهدة عبر الانترنت | دوار الاستضافه والمدونات | دوار الوفاء فى افندينا | دوار همس قلوب | ركن افندينا لتعليم اللغة الانجليزية | دوار عدنان للفن والفنون |



Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
new notificatio by 9adq_ala7sas
Developed By Marco Mamdouh
HêĽм √ 3.1 BY: ! ωαнαм ! © 2010

Security team

This Forum used Arshfny Mod by islam servant
vEhdaa 1.1 by NLP ©2009

upmsha3ry